ပြည်ပနိုင်ငံသို့ ရောက်ရှိပြီးပါက လိုက်နာ ဆောင်ရွက်ရမည့် အချက်များ
- သက်ဆိုင်ရာနိုင်ငံ၏ ဥပဒေ၊ နည်းဥပဒေ၊ အမိန့်နှင့် ညွှန်ကြားချက်များကို လေးစားလိုက်နာရမည်။
- သက်ဆိုင်ရာနိုင်ငံ၏ ထုံးထမ်းစဉ်လာနှင့် ယဉ်ကျေးမှုများကို လေးစားလိုက်နာ ရမည်။
- သက်ဆိုင်ရာနိုင်ငံ၏ ဘာသာစကားကို ဆက်လက်လေ့လာရမည်။
- မိမိ၏ နိုင်ငံကူးလက်မှတ်၊ နေထိုင်ခွင့်နှင့် အလုပ်လုပ်ကိုင်ခွင့် သက်တမ်းများကို အမြဲစိစစ်၍ သက်တမ်းတိုး ဆောင်ရွက်ရမည်။
- နေအိမ်မှ အပြင်သို့ ထွက်ခွာတိုင်းတွင် နိုင်ငံကူးလက်မှတ်နှင့် သက်ဆိုင်ရာနိုင်ငံမှ ထုတ်ပေးထားသော အထောက်အထားများကို မိမိနှင့်အတူ တပါတည်း ယူဆောင်သွားရမည်။
- နိုင်ငံကူးလက်မှတ်နှင့် သက်ဆိုင်ရာနိုင်ငံမှ ထုတ်ပေးထားသော အထောက်အထား များ မပျောက်ပျက်အောင် သေချာထိန်းသိမ်းရမည်။ အကယ်၍ ပျောက်ပျက် ပျက်စီးသွားပါက သက်ဆိုင်ရာနိုင်ငံရှိ ရဲစစခန်းနှင့် ဌာနများသို့ အချိန်နှင့် တပြေးညီ အကြောင်းကြားရမည်။
- လုပ်ငန်းခွင်ဆိုင်ရာ စည်းမျဉ်းစည်းကမ်းများ၊ ဘေးအန္တရာယ်ကင်းရှင်းရေးဆိုင်ရာ သတ်မှတ်ချက်များကို မပျက်မကွက် လိုက်နာရမည်။
- အလုပ်ရှင်၊ အလုပ်သမားရေးရာကိစ္စရပ်များနှင့် အခြားအခက်အခဲများ ပေါ်ပေါက် လာပါက ဆက်သွယ်အကူအညီတောင်းခံရမည့် အဖွဲ့အစည်း၊ ဖုန်းနံပါတ်များကို မှတ်သားထားရမည်။
- မိသားစုငွေလွှဲပို့ရာတွင် ငွေကြေးလိမ်လည်ခံရမှု မဖြစ်စေရေး အထူးဂရုပြု ဆောင်ရွက်ရမည်။
- မိမိ၏ မိသားစုဝင်များနှင့် အမြဲမပြတ် ဆက်သွယ်နေရမည်ဖြစ်ပြီး မိမိ၏ ဖုန်းနံပါတ်၊ နေရပ်လိပ်စာနှင့် လုပ်ငန်းခွင်ဆိုင်ရာ အချက်အလက်များကို ပြောပြ ထားရမည်။
